विवशता

असरल्ल छरीएका छन
मेरा बिस्वासहरु बेवारिसे ,
मुकदर्शक जमात खित्का छाडेर
गिज्याउँदैछ - म अनि मेरा सपनामाथी !

सँधै हेपिन्छन मेरा रहरहरु
संधै लतारिन्छ्न मेरा चाहनाहरु
जस्तै म कोहि मान्छेनै हैन
हुँ त केबल -एक बजारु औजार !!

अचानक मनको कन्तरा बोल्छ
तँ किन यति हुतिहारा हँ ?
आज त बोल न सबैको सामु
गुम्सिएका लहरहरु तन्किनेगरी !!

भन्न खोज्छु ,
म निर्धो हैन - निर्धो बनाईएको हुँ
म कमजोर हैन - कमजोर बनाईएको हुँ
फेरि शब्द घाँटिमै अड्किन्छ
र सुक्छ आवाज - हिजोजस्तै !!!