तिम्रो आभाष पाएँ,अनि फर्केर आएँ
अड्किएको प्यास मनमा सर्केर आएँ।
भन्दै थिएऊ उनि तिम्रो लायक छैन
थाहा पाएँ र पानि जस्तै दर्केर आएँ।
बिटुलो भएनि हिजो चोखो छु आज
शास्त्ररुपी सुनपानी त्यो छर्केर आएँ।
तिम्रो स्पर्शको चाहना खड्केरै होला
नयाँ संबन्ध जोड्न भनि कर्केर आएँ।
चित्त नदुखाउन उन्ले यही छ चाह
सानो सानो कुरामानै म झर्केर आएँ।
ओकल्दै थीईन् बचनरूपी जहर
छिया छिया दील भयो चर्केर आएँ।
खै के छ यतार्थ थाहि छैन मलाई
उन्को धाक सुन्दा मन मर्केर आएँ।
त्यो तारा जुन चाहियो रे उनलाई
आफ्नो औकात सम्झेँ र तर्केर आएँ।।।
No comments:
Post a Comment