(ऊ १.)

कबिता (ऊ १.)  

आफ्नै छायाँविरोधी चिजका

वैगुनताको परिभाषा विपरित

मोहयुक्त छाँगाको सल्बलावटबाट

अघोरी लहराहरुका शीतहरुलाई

ऊ खाडलको पिंधबाट चुन्दैछ|

कुहिएर मक्किएको चोयाको

झोलुङ्गोमा आफ्नो शरिर विसाई

भत्किएको पालीको पाखो हेर्दै

दुनियाभरमा जलेको आगो निभाई

ऊ ढुकढुकीको संगीत सुन्दैछ |

यधपि ऊ श्वाभिमानी र श्वतन्त्र छ,

त्यसैले;

पारेर बिरङ्गी अनायादका सपना

दौडिएका धराशायी तरङ्गहरुमा

अजम्बरको आशाका डोरिहरु बाटेर

कोपिला फुलको बोटहरुमा

ऊ भावनाको बुट्टा बुन्दै छ|

मनमुग्ध कोकिलको स्वरमा

अगी बढिरहेका पाइलाहरुलाई

कर्तव्यकेन्द्रित बनाई नजरको

विभुषित गरि मनको हौशलालाई

ऊ कृतज्ञताको टुक्का गुन्दैछ